طرق أستهلاك البنزين ووسائل مساعدة للتوفير

أولا أسباب شائعة ومنتشرة :
1 -التحرك بالسيارة بسرعة وكذلك الوقوف المفاجىء : فالتحرك بسرعة والوقوف المفاجىء يستهلك بنزين سيارتك بشراهةالترحك العنيف يزيد من استهلاك الوقود بمعدل 30% على الطرق السريعة وحوالى 5 % داخل المدن.

الحل: بدأ الحركة بهدوء دون عنف وكمان تسيب مسافة بينك وبين العربية اللى قدامك لتجنب الوقوف المفاجىء

2 - زيادة السرعة عن 96 كم/س : من المعروف انة بزيادة السرعة تزداد مع زيادة اتهلاك البنزين وذلك بعد 96 كم فكل زيادة 10 كم يزيد استهلاك البنزيل بمعدل 10 % نظرا لوجود مقاومة من الهواء يجب التغلب عليها .

الحل : اتبع قانون فى التأنى السلامة وفى العجلة الندامة ياعنى حاول تمشى على السرعة المحددة ومتتجاوزش عشان سلامتك وسلامة جيبك

3 - جعل العربية دايرة فى حالة الوقوف : إدارة المحرك يحب بنزين فى حالة عدم سير العربية وخاصة فى المحراكات الحديثة اللتى تعمل طبعا لنظام الانجكشن .

الحل : أغلق المحرك إذا كنت ستتوقف لاكتر من 7 ثوانى

4 - المشاوير القريبة : كتير مبيقوم بتدوير العربية ويروح مشوار جمب بيتوا ودة غلط لان المحرك بيبقى بارد وطبعا بتبقى الكفائة قليلة فابيسحب بنزين كتير .

الحل : خد المشاوير القريبة على رجلك واهو المشى رياضة اما لوكنت رايح مشاوير بعية شوية يبقى من الابعد فالاقرب .

5 - الأوزان الزئدة : كلما زاد الوزن زاد المجهود وبالتالى زاد استهلاك البنزبن أكثر عشان يعوض المجهود .

الحل : خفف الاووازن اللى ملهاش لازمة .

6 - استخدام التكييف : يزيد استخدام التكييف استهلاك البنزين بمعدل 10 % - 30 % .

الحل : قلل من استخدام التكييف ولكن يفضل استخدامة فى حالة السفر بدل من فتح الزجاج السيارى لان فتح الزجاج بيستهلك بنزين فى حالة السرعات العالية .

7 - ضغط الاطارات : كلما قل ضغط الاطار ريح الكوتش على الارض وبالتالى يزداد معدل سحب البنزين .

وان كان من المفضل نفخ الاطارات بالنيتروجين وهنتكلم عن موضوع النيتروجين دة بعد كدة .

الحل : يجب ضبط ضغط الاطار على حسب كاتلوج اسيارة وذلك من فترة للتانية

8 - الطرق الغير ممهدة: الطرق الغير ممهدة بتخلى العفشة تبوظ غير كدة بتخلى كل شوية انت تهدى وبالتالى سحب البنزين يزداد.

الحل : تجنب الطرق دى اللى من الصعب متلاقيهاش فى بلدنا المتطورة .


9 - الصيانة الدورية : عمل الصيانة الدورية للعربية مهم جدا .

الحل: تغيير الفتلر الزيت وتنظيف فلتر الهواء و حساس الأكسجين و وفلتر البنزين أيضا من فترة لأخرى .

10 - وضع البنزبن بالرقم الأوكتانى الموصى بة : يجب وضع البنزين برقمة المكتوب فى الكاتلواج وعدم الزيادة لانه لن شعر بفرق كبير فى حالة الزيادة .

11 - مون من محطات سمعتها كويسة .

12 - حاول تثبيت سرعتك على الطريق السريع .

نصائح هامة بقى ومتقدمة :


1- اتبع تقنيه "التزحلق مع التعشيق" ICE-ON coasting , فعندما تمشى بسرعه فوق الـ 30 والـ RPM فوق 1500 "الارقام تختلف من سيارة لأخرى" و تشيل رجلك من على البنزين والعربيه متعشقه "يعنى الفتيس مش متمور" ومش ضاغط دبرياج يعنى فيه Engine Braking , هنا العربية بتمشى من غير ولا نقطة بنزين خالص ...ايوا ولا نقطة بنزيين ... وده فى كثير من العربيات الجديدة ومنها طبعا الياريس ولكن ليس فى العربيات القديمة .



2- طريقة "التزحلق مع التموير" Nice-On Coasting وهى عبارة عن ترك السيارة تسير والفتيس فى وضع التموير وعدم الضغط على البنزين او الدبرياج فهنا استهلاك البنزين يكون قليل جدا جدا وهنا السيارة ستكون اكثر خفه وستقطع مسافه اكبر مقارنة بالاسلوب السابق



3- نظام اضغط واتزحلق Pulse & Glide وطريقته لما تكون ماشى فى طريق وهاتمشى على سرعه 80 مثلا فتروح ضاغط على البنزين الى ان تصل للسرعه المراده وطبعا الضغط يكون بهدوء "كده نظام الضغط" ثم ترك النزين خالص الى ان تصل لسرعه 60 "كده نظام تزحلق مع تعشيق" , فلو عملت كده يبقى نص الطريق انت مشيته من غير ولا نقطه بنزين يعنى هاتمشى الضعف وللعلم النظام ده هايوفر اكثر من تثبيت السرعه.


4- تثبيت الرجل على بدال البنزينDriving With Load , الطريقه دى مفيده عند صعود كوبرى فبدلا من الضغط زياده عند الصعود للحصول على نفس السرعه واستهلاك اكثر للبنزين قم بتبيت رجلك فقط على نفس المستوى ستلاحظ بالطبع ان السرعه ستقل ولكنها ستعود ثانيه بمجرد الصعود



5- إركن السيارة بحيث يكون وشها للخارجFace-Out Parking , عشان لما تطلع بالعربيه تطلع على طول "لتقوم بتسخين العربيه وانت ماشى" دون الحاجة للرجوع للخلف والضغط على الفرامل لان االسياره وهى بارده تستهلك بنزين اكثر .


6- لا تستخدم مضخم الصوت Amplifier , او اى اجهزة اضافيه غير الكاسيت لانها تستهلك كهرباء اكثر لان الجهاز بيحمل على موتور العربيه وبالتالى تستهلك بنزين اكتر



7- إركن فى مكان عال Potential Parking , لتقوم بالتحزلق عند بداية المشى بالسياره طبعا والعربيه شغاله.


8- اشتر سيارة موفرة فى البنزين , اذا كنت ستقوم بشراء سيارة قريبا فاحرص على السيارات الموفرة , فلا داعى للسيارات ذات القوة الكبيرة اذا كنت تريد سيارة عائلية ستنقلك انت واسرتك



9- استخدم جهاز مراقبة استهلاك الوقود , فسوف يفيدك لمعرفه افضل وقت سيارتك توفر فى الوقود ومن اشهر هذه الاجهزه هو ScanGauge


10- اخيرا فى كلام ان تغييرنوع الزيت لزيت تخليقى يقلل من استهلاك البنزين لانه اكثر لزوجه ويقلل من احتكاك اجزاء الموتور وايضا ماركة الزيت من شركة يفرق فى استهلاك البنزين من شركة آخرى "موبيل , شل ...." , كذلك تغيير نوع فلتر الهواء يؤثر على استهلاك البنزين