السلام عليكم ورحمة الله وبركاته

اخوانى طلبة الفرقه الاولى
كلنا اول ما دخلنا اولى ميكانيكا كنا تايهيين فى المواد
ومش لاقين اللى يقولنا حاجه عنهم
وحاجه كمان اننا كنا بنبقى خايفين

وعشان نشيل الخوف ده
اعتقد لازم نبقى عارفين احنا بندرس ايه وليه؟!؟
وده اللى هنحاول نوضحه فى الموضوع بإذن الله
ممكن نبدأ؟؟
اكيد ممكن

ونبدأ بمواد الترم الاول

أولاً : ميكانيكا المواد
Mechanics of Materials
ودى ماده جميله جدا وتعتبر مدخل لعلم التصميم
وبتتكلم عن الاحمال المؤثره على الاجسام
وممكن عن طريقها نحدد ابعاد ومادة الجسم

ثانياً : ميكانيكا الماكينات
Mechanics of Machines
ودى ماده جميلة برضه وهى اساس تصميم الاجزاء المتحركه فى الماكينات
ومنها ايضا تقدر تحدد السرعه والعجله للمكانيزمات المختلفه

ثالثاً : الهندسة الكهربيه
ودى بتتكلم عن الدوائر الكهربيه سواء كانت
AC أو DC

رابعاً : الهندسة المدنيه
ودى بعرفك طرق حسابات المساحات وطرق إنشاء المنشأت
وهى ماده لذيذه جدا

خامساً : اللغه الانجليزيه
ودى مش صعبه لأنه درست شبيه من فى اعدادى

سادساً : الرياضيات
Mathematics
ودى ماده ممتده يعنى بتمتحنها ترم تانى فقط
وبتتكلم عن التفاضل والتكامل والهندسه الفراغيه
بس بشكل متوسع شويه

سابعاً : رسم الماكينات
Drawing of Machines
ودى ماده ممتده
او ممكن يتسمى الرسم التجميعي وبكون عندك ماكينه مثلاً
وبتكون اجزاء
والمطلوب منك تجمعها ودى من المواد الجميله جدا

ثامنا : القرآن الكريم


مواد الترم الثانى

أولاً : الديناميكا الحراريه
Thermo Dynamics
ودى فعلا من ألذ المواد
وتعتبر مدخل لعلم التبريد والتكيف
ولعلوم كتيره

ثانياً : إختبار المواد
Materials Testing
ودى عن طريقها تقدر تعرف تعمل الاختبارات المختلفه على المواد
واستخدام كل اختبار
واكيد انواع الاختبارات
ودى الماده الوحيده اللى بتدرس باللغه العربيه

ثالثاً : الفلزات
Metallurgy
ودى ماده جميله جدا
بتعرفك اكتر عن التركيب الداخلى للمعادن وطريقة اجراء اختبار اشعة إكس
ومخططات الحراره للمواد

رابعاً : السيرة النبوية
وطبعا غنية عن التعريف


وياريت تكونوا فهمتم الدنيا ماشيه ازاى فى اولى ميكانيكا

اخوكم فى الله اكرم هيكل